三歲國慶

姪女醒目，三年前喺佢阿娘肚入面經已老謀深算要擇日出世。到到國慶當日煙花都未燒就搶閘應市，以不足月之齡準備攻陷各老老嫩嫩嘅男人心！

三年後嘅今日，姪女都算係略有少成，家中各大小男人無不拜倒佢皎潔嘅笑容底下。

今日同姪女慶祝生日，我買咗個同佢一樣咁高嘅熊啤啤，諗住呀姪女一見到就梗係會開心到嘵飛啦，點知佢剩係好狡猾咁笑就硬係冇出聲！結果我呢個秀外慧中嘅姪女就係咁不費一言一語，剩係眼仔碌碌咁，我呢個啊叔就俾佢笑裡藏刀兼滿肚密圈嘅笑容溶咗，乖乖咁雙手奉上隻啤啤熊，我就俾呢個姪女吹到啤∼∼∼一聲！

好彩呀姪女都好醒目咁嘴對嘴𡃶咗我一啖，總算攞番個尾彩！

假以時日，當姪女修成正果，天下間所有男人都可以掘定個墳準備領死喇！