八月初三

身為人子，竟然唔記得阿媽生日，講乜都唔係藉口！

同阿媽認錯，阿媽只係微微一笑，一句都冇怪責過我，只係同我講：「你哋個個返工咁忙，有乜法子吖，多啲休息啦阿仔，年年都有生日㗎啦，有乜所謂吖！」真係一泡眼淚兼心有說話口難言！阿媽∼ 下一世我都要做妳個仔，生生世世咁服侍妳！阿爸都係，下世唔好咁遲生我，等我有多啲時間孝順你！

子女成長，其實都係慈親喺背後默默流汗流淚含辛茹苦！今次衰咗，好彩雙親健在，仲可以補鑊，今日在此立字為記，從此不容有失！